పల్లవి:
ఓ హంస నడకల దానా అందాల కనుల దానా
నా వలవు తెలుపుకోనా నీ మనసు తెలుసుకోనా
నీ పెదవిపై చిరునవ్వునై
కల కాలముండి పోనా

చరణం: 1
నీ సొంపులు చూసీ - నీ సొగసులు చూసీ
నా మది తొందర చేసే నీ మోములో ఒకజాబిలి
నా కన్నుల వెన్నెల కురిసె.... ॥ఓ హంస॥

చరణం: 2
నీ చల్లని మాటే ఒక కమ్మని పాటై
వినిపించెను నా నోట నా రాగమే అనురాగ మై
వేసింది పూల బాట.... ॥ఓ హంస॥

చరణం: 3
ఒక తీయని స్వప్నం - అది మలచిన శిల్పం
నాలో నిలచిన రూపం నీరూపమే నా మనసులో
వెలిగించెను రంగుల దీపం..... ॥ఓ హంస॥