ఓ ఉంగరాల ముంగురుల రాజా
నీ హంగు జూసి పొంగిపోను లేరా (2)
నా సామిరంగ దణ్ణ వోయీ
నా జోలికింకా రాకోయీ - హాయి హాయి
ఓ సిన్నోడా  ఓ సిన్నోడా  ఓ సిన్నోడా

ఓ బొంగరాల బుగ్గలున్నదానా
నీ కొంగు తాకి పొంగిపోతి జాణా (2)
నువ్ కస్సుమంటే తాళ లేనే
నీ పొందుగోరి వచ్చినానే
ఓ చెలియ  ఓ చెలియ  ఓ చెలియ

నీ కైపు కళ్ళతో నీ కొంటె  నవ్వుతో గారడీ చేశావు
నీ తీపి మాటలు నీళ్ళలో మూటలు నిన్నింక నమ్మనోయీ !

నా సిలకా... ఓయ్ నీ అలకా.. ఓయ్
తెచ్చింది లే అందం నా కళ్ళు చూడవె
నీ బొమ్మ ఆడెనే మనసంత నీవేనే
పో పోవోయ్
ఓ పిల్లొయ్
కిల్లాడీ చాలులే    

ఓ బొంగరాల బుగ్గలున్నదానా
నీ కొంగు తాకి పొంగిపోతి జాణా (2)
నువ్ కస్సుమంటే తాళ లేనే
నీ పొందుగోరి వచ్చినానే
ఓ చెలియ  ఓ చెలియ  ఓ చెలియ

ముచ్చట్లు గాలితో మురిపాలు పూలతో
నటనలు నాతోనా ?
సరసాలు సుక్కతో సరదాలు మబ్బుతో
సయ్యాట నాతోనా ?
ఇటు సూడవే - ఓయ్, నీ తోడులే - ఓయ్
దాసుడు నీవాడే - ఓయ్, నువ్వుంటే పక్కన
మనసేంతో చల్లన నా రాణి నీవేనే
ఓ రాజా
నా రోజా
ఈ రోజే హాయ్.. హాయ్.. హాయ్..

ఓ ఉంగరాల ముంగురుల రాజా
నీ హంగు జూసి పొంగిపోను లేరా (2)
నా సామిరంగ దణ్ణ వోయీ
నా జోలికింకా రాకోయీ - హాయి హాయి
ఓ సిన్నోడా  ఓ సిన్నోడా  ఓ సిన్నోడా