పలవి :
ఒక అమ్మాయి ఒక అబ్బాయి
కలిసి మెలిసి కౌగిట బిగిసే బంధాలలో
కురిసిందీ పదే పదే పడుచంధంలో
తొలకరి చినుకుల చిటపటలాడే జడివాన!

చరణం: 1
కనులు దాటే కబురు వింటే
మనసు దాటే మనసు వింటే
తలుచుకుంటే పులకరింతే
కలుసుకుంటే కౌగిలింతే
నీలో కొత్త మెరుపే మెరిసి
నాలో ఉరుమై ఒకటై కలిసి పొమ్మంటే
ఎదా ఏదా ఉండి ఉండి ఝుమ్మంటుంటే
ఆ చలి చలి పిడుగుల సరిగమలేవో వింటుంటే

చరణం: 2
వలపు వీణ పిలవసాగే
వయసు వయసు కలవసాగే
నిదర రాక రేయి పగలై
నీవు రాక తీపి సెగలై

ఏదో కొత్త బంధం కలిసి నువ్వూ నేనూ మనమై ఏక మవుతుంటే
హాఁ అదే అదే అందమైన గొడవౌవుతుంటే
ఈ మురిసిన పెదవుల ముసి ముసి నవ్వులు చూస్తుంటే

చరణం: 3
నవ్వు చాలు నాకు రశీదు
మనసు చాలు మక్కా మసీదు
చాలు చాలు నీ నమాజు
సరసమాడే సందె మోజు
ఇలవంక దిగి వచ్చే నెలవంక
నీవింక రావాలి నా వంక
కని విని ఎరుగని కమ్మని కథ వింటుంటే
నీ అల్లరి వలపుల ఆవిరి సెగలకు సెలవింక