పల్లవి :
సాయిబాబా ఓ సాయిబాబా షిర్డీ సాయిబాబా
ఈ ఇలలో మరో పేర వెలసిన దేవా

అను పల్లవి:
కన్నీళ్ళు దాచీ కడకొంగు సాచీ
వచ్చాము దేవాః కరుణించ రావా || సాయిబాబా ||

చరణం: 1
మొక్కెదమో సాయి దేవా
ముక్తికి నీవే త్రోవ
పిన్నలనూ లాలించేవు
పెద్దలను పాలించావు
అందరి మొర విని ఆండగ నిలిచీ

అభయము నొసగీ నడిపించేవు
భక్తుల రిక్తుల దీనుల హీనులు
బాధలు తొలగించేవు
"బాబా" అని నోరారగ పిలిచిన
బాబూ అని పలికేవు
సాయిదేవాః కావ రావా
ఏ మతమైనా ఏ కులమైనా
కాపాడు బాబా మా పాలిదేవా

చరణం: 2
ప్రతి బాటా షిర్డీ వైపే
ప్రతిచోటా నీ రూపే
ఊరూరా నీ మందిరమే
ఇంటింటా నీ వందనమే
ఆర్తుల చేసే ప్రార్థనలన్నీ
అన్ని వేళలా ఆలించేవు
చెదరిన బ్రతుకులు చివరికి కలిపే

చిన్మయమూర్తివి నీవే
ఆరిన దివ్వెల చీకటి గుండెల
ఆశాజ్యోతివి నీవే !
సాయిదేవా ! కావరావా !
ఓ దేవా శరణం నీ దివ్య చరణం
ఎంతెంత మధురం నీ నామ స్మరణం

కోరస్ :
సాయిబాబా - ఓ సాయిబాబా
షిర్డీ సాయిబాబా - సాయిబాబా