పల్లవి:
పోతున్నావా తొందరపడి పోతున్నావా
మనసారా వలచిన నీ చెలి
మనసు విరిచి పోతున్నావా

చరణం :
నన్ను నీవు విడిచి పోతున్నా
నిన్ను విడిచి నే నుంటానా
నీ వెంతటి దూరాన వున్నా
నీడవలె నీ వెంట రానా
ఊపిరిలో ఊపిరి
ఉన్న నన్ను కాదన గలవా

చరణం:
చిరుకోపం చెల రేగిందని
చెలిమి వదులు కుంటామా
ముళ్లు నాటుకుంటున్నాయని
పూలు వదులు కుంటామా
పెనవేసిన మన అనుబంధం
విడిపోతుందంటావా

చరణం:
కరిగిపోవు మబ్బులలోనా
కన్నీళ్ళే కనుగొంటావు
విరబూసిన వెన్నెలలోనా
చిరునవ్వులె చూస్తుంటావు
మంచుతెరలు తొలగిన పిదప
మనసు మార్చుకుంటావూ

పోతున్నావా మనసు విరిచి పోతున్నావా
మమత విడిచి పోతున్నావా
నన్నే విడిచి పోతున్నావా