పువ్వు పుట్టగానే తాను పరిమళించును
నువ్వు నన్ను చేర మనసు పరవశించును
చందమామ మోముచూచి జలధి పొంగును
అందగత్తె అంతకన్న ఆశగొలుపును

చేతిలోన చేయి చేయి చింతతీరును
చెలియగాలి సోకి మనసు నేద తీరును
స్వాతి వానకొరకు చేను ఎదురు చూచును
లేత మనసు ప్రియునికొరకు వేచియుండును

నీరు వీడి చేపకున బ్రతుకనేరదు
నిన్ను విడిచి నాదుమేను నిలువజాలదు
నీటిమబ్బు మూయగానే నెమలి ఆడును
గూటిలోన పావురాళ్లు కొసరి పాడును

మనసులోని కలలు పండి తనివి తీరును
మరల మరల నిన్నుచూడ మత్తు గలుగును
మల్లెపూల తేనెటీగ పలుకరించును
చల్లగాలి వీచి జంట పులకరించును
పువ్వు పుట్టగానే తాను పరిమళించును
నువ్వు నన్ను చేర మనసు పరవశించున