ఉన్నవారికన్న మనం ఎక్కువేలే మన
హృదయంలో అందరిపై మక్కువేలే
పాటువడి అలుపు తీర్చు ఆటలాడుదాం
బాధలన్ని ఎగిరిపోవు పాటపాడుదాం

కోటికి పడగెత్తలేము కొరతేలేదు
నోటిమాట జారబోము లోటే రాదు
పాటుపడగ ఒళ్ళు మనం దాచుటలేదు
పరుల దోచుటలేదు చేయి చాచుటలేదు

అయిదువేళ్లు నోటిలోకి పోవుటలేదు
అందుచేత కాని పనులు చేయుటలేదు.
రోజుకొక్క జోడుకట్టి వలచుటలేదు
మోజుదీరి చిన్నదాన్ని విడుచుటలేదు

కళ్ళలోన దుమ్ముకొట్టి బతుకుటలేదు
కాళ్ళకింద గోతులు తవ్వుట లేదు
మనకెందుకు వద్దులే యితరుల ఊసు
మనకు లేదులే యీసు మన బ్రతుకే నైసు