రాముడు లోకాభిరాముడు ఆముక
విజయనగరమందునున్న వాడు

చక్కదనముల వాడు, జానకీవల్లభుడు
గక్కున శబరి పూజ గైకొన్న వాడు
వెక్కసమైన పైడి విల్లమ్ముల వాడు
రక్కసుల వైరి దశరథనందనుడు

సరథి గట్టిన వాడు చాయ నల్లని వాడు
యిరవుయై సుగ్రీవాదులనేలినవాడు
సరి భరత శతృఘ్న సౌముత్రి సేవితుడు
అరిది మునులకు అభయమిచ్చిన వాడు

అట్టి కౌసల్యాత్మజుడు ,అయోధ్యాపతైన వాడు
వట్టి తారక బ్రహ్మమై ఉండేటి వాడు
గుట్టుతో వరములిచ్చె కోనేటి దండ వాడు
పట్టపు శ్రీవేంకటాద్రి పై వరగినవాడు