శరణువేడెద యజ్ఞసంభవ శ్రీరామ
అరసి రక్షించుమమ్ము అయోధ్యారామ ||

ధారుణిలో దశరథ తనయ రామ |
చేరిన యహల్యను రక్షించినరామ
వారిధి బంధన కపి వల్లభ రామ |
తారక బ్రహ్మమైన సీతారామ ||
శరణువేడెద యజ్ఞసంభవ శ్రీరామ
అరసి రక్షించుమమ్ము అయోధ్యారామ ||

ఆదిత్య కులాంబుధి మృగాంతక రామ
హర కోదండ భంజనము చేకొనినరామ
వేద శాస్త్ర పురాణాదివినుతరామ
ఆది గొన్నతాటకా సంహార రామ ||
శరణువేడెద యజ్ఞసంభవ శ్రీరామ
అరసి రక్షించుమమ్ము అయోధ్యారామ ||

రావణుని భంజించినరాఘవరామ
వావిరి విభీషణ వరద రామ
సేవలనలమేల్మంగతో శ్రీవేంకటేశుడవై
ఈవల దాసులెల్ల ఏలినట్టిరామ..
శరణువేడెద యజ్ఞసంభవ శ్రీరామ
అరసి రక్షించుమమ్ము అయోధ్యారామ ||