సరిమప స్వరములే పలుకనా
మనసులో తపనలే తెలుపనా
నాలో ఊపిరై నడిపించే గానమే
నా సంగీతమే జీవన వేణువై సాగే

ధిం ధిం దిరణన తోం తోం తననన (2)

సరిమప స్వరములే పలుకనా
మనసులో తపనలే తెలుపనా

కోకిలమ్మలో కొత్త పల్లవే వెదికే హృదయనా
గుండె వాకిలే తీసి చూడగా ఎగసే పాటై రానా
వేణు గానమే వెర్రి గాలినే పిలిచే సమయాన
ఆశ తీరగ ఊసులాడగ స్వరమే నేనైయ్యానా
ఆ కీర్వాణి గలమున వినిపించు గీతమై సాగనా
ఏ రాగాలు పలికిన చివరికి మోడునై ఉండనా

ధిం ధిం దిరణన తోం తోం తననన (2)

సరిమప స్వరములే పలుకనా
మనసులో తపనలే తెలుపనా

కంటిపాపలో చోటు లేదని తెలిసి కలగన్నా
గొంతు దాటిన పాటలో తన చెలిమే చూస్తూ ఉన్నా
ముల్లదారిలో నన్ను చేరునా విజయం ఇకనైనా
ఆమె దీవెనే తోడు నీడగా నన్నే నడిపించేనా
ఇక సంతోషం విరియగ నా వైపు గమ్యమే నడుచునా
ప్రతి అవేశం పదముగా స్వరముల వెల్లువై పోనా

సరిమప స్వరములే పలుకనా
మనసులో తపనలే తెలుపనా
నాలో ఊపిరై నడిపించే గానమే
నా సంగీతమే జీవన వేణువై సాగే

ధిం ధిం దిరణన తోం తోం తననన (2)

సరిమప స్వరములే పలుకనా
మనసులో తపనలే తెలుపనా

ధిం ధిం దిరణన తోం తోం తననన (2)