శ్రీశైల మల్లమ్మ - అలివేలు మంగమ్మ
బెజవాడ కనకదురగమ్మో
పానకాల స్వామిని నేను పూవకం మీదున్నాను
శ్రీశైల మల్లన్న శివమెత్తి ఆడంగ -
సింహాద్రి అప్పన్న సింగమై దూకంగ
పోతరాజో పోలేరమ్మా

పోలేరమ్మో దాటి పోలేరమ్మా
బండరాయి పగలగొట్టు - బావురు కప్పను పట్టు
ఆశ్శరభ శరథ అల్లల్ల భీర

నాపరాయీ పగలగొట్టు - నల్లనీటి ఊటబట్టు
ఆశ్శరభ శరభ అల్లల్ల భీర
కంచె చేను మేస్తుంటే కంచి కామాక్షమ్మ
బురిడీలు కొట్టకమ్మో - మరిడీ మాలచ్చమ్మా
పోతరాజో పోలేరమ్మా
పోలేరమ్మో దాటి పోలేరమ్మా
తలపైన తట్టుంది శరభా - తట్టలో బుట్టుంది శరభా
బుట్టలో గుట్టుంది పట్టుకో శరభా
అశ్శరభ శరభ అల్లల్ల భీర

తట్టాబుట్టా సర్ధి శరభా - తైతక్కలాడుకుంటూ శరభా
తలవాకిటున్నాది తందనాల బొమ్మ
అశ్శరభ శరభ అల్లల్ల భీర

పాపనాశనం కోసం తానమాడ బోతేను
వంశనాశనం కోసం మొసలెత్తు కెళ్ళింది
కటకటాలు తప్పవమ్మో కోటగుమ్మం రాయడమ్మో
పోతరాజో పోలేరమ్మో -
పోలేరమ్మో దాటి పోలేరమ్మో