స్వాగతం - స్వాగతం సుస్వాగతం
సీతమ్మ చరితమే రామాయణం -
మా అమ్మ కథ మాకు పారాయణం

పిన్నలు పెద్దలు విచ్చేసి - మా కన్నుల పండుగ చేశారు
పూలూ పండ్లూ తాంబూలాలు - పుచ్చుకొనండి.
అమ్మ నుదుట యీ కుంకుమ పెట్టి - అక్షింతలు చల్లండి
మీ ఆశీస్సులు పలకండి దీర్ఘ సుమంగళీభవ

ఇంటికి దీపం ఎంతో వెలుగు - ఆ వెలుగుల జిలుగే మా అమ్మ
వెన్నలోని మెత్తదనం వెన్నెలలో చల్లదనం -
కలబోసిన బొమ్మే మా అమ్మ
అమ్మంటేనే త్యాగం - అమ్మంటే ఒక యోగం
అమ్మలోని అనురాగం - పొందడమే వైభోగం
తల్లిని తలచి తల్లిని కొలిచి తల్లయి నిలిచే భాగ్యమే సౌభాగ్యం
నా భాగ్యం దీర్ఘ సుమంగళీభవ