తలనెప్పి అంటేనే తల్లడిల్లిపోయారు
నా తలరాత తెలుసుకుంటే ఏమైపోతారు? నావారేమైపోతారు ?
నా గుండెల్లో బరువు దింపుకోవాలని
నా గోడంతా నీకు చెప్పుకోవాలని
గుడికొచ్చాను నీ గుడికొచ్చాను
గుప్పటిలో రగులుతున్న నిప్పుల కుంపటిని
ఎలా దాచుకోనూ నే నెలా తటుకోను... హా మైగాడ్

వెన్నవంటి మనస్సున, కన్నతల్లి నిచ్చావు
కనుసన్నల మెసిలే సతినే ఇల్లాలిని చేశావు

పసిపాపల మురిపాలతో బ్రతుకు తీపి చూపించావు
వాళ్ళ ఆప్యాయత చూస్తుంటే ఆ మాటలు వింటుంటే
కన్నీరు ఆగదాయె నా హృదయం నిలువదాయె.... హా మైగాడ్
తనకంటే ముందుగ నేనే తనువును చాలిసుంటే
తన బొట్లూ కాటుకలే పోతున్నాయని వింటే
కన్న తండ్రి కరువై పోతే చిరుగుండెలు చెరువై పోతే
ఆ పరిణామం తలచుకుంటే ఆ దృశ్యం ఊహించుకుంటే
గుండె పగిలిపోతుంది - బ్రతకాలనిపిస్తోంది - హా మైగాడ్