తాతయ్యా! తాతయ్యా
నీకూ నాకూ తాతయ్యా
మనతెలుగుజాతికే తాతయ్య
ఈ కందుకూరి తాతయ్యా

మూడుకాళ్లతో నడిచేముదుసలి
మూడో పెళ్ళికి ముస్తాబై
మూడేళ్లయిన దాటనిపిల్లకు
తాడుగట్ట తగదన్నాడు
ఆది తాడుగాదు ఉరితాడన్నాడు.
సంసారమనేదొకబండి
ఆలీమగడూ చక్రాలూ రెండుచక్రములూ
సరిసమానముగ ఉంటేనే బండన్నాడు
లేకుంటే అది మొండన్నాడూ
పతికిబానిసై మొతుకు దూరమై
గతుకులమారి బ్రతుకై 'తల్లడిల్లు
నీ తల్లిని నేటికి స్వేచ్ఛాజీవిని చేశాడూ
స్త్రీ జాతికి జీవం పోశారు.
చితికిపోయిన స్త్రీలోకానికి
నూతనమార్గము చూపి
తాతకు మంచి ఖ్యాతిగడించి.
జాతికి మేలూకూర్చుమురా
నీ తల్లీ ఆశలు తీర్చుము రా