ఎదుట నిలిచింది చూడు జలతారు వెన్నెలేమో
ఎదను తడిపింది నేడు చినుకంటి చిన్నదేమో
మైమరిచిపోయా మాయలో...
ప్రాణమంత మీటుతుంటే వానవీణలా

ఎదుట నిలిచింది చూడు

చరణం: 1
నిజంలాంటి ఈ స్వప్నం ఎలా పట్టి ఆపాలి?
కలే ఐతే ఆ నిజం ఎలా తట్టుకోవాలీ?
ఔనో కాదో అడగకంది నా మౌనం
చెలివో శిలవో తెలియకుంది నీ రూపం...
చెలిమి బంధమల్లుకుందే జన్మ ఖైదులా !!

ఎదుట నిలిచింది చూడు

చరణం: 2
నిన్నే చేరుకోలేకా ఎటెళ్ళిందో నా లేఖ
వినేవారు లేకా విసుక్కుంది నా కేకా
నీదో కాదో వ్రాసున్న చిరునామా
ఉందో లేదో ఆ చోట నా ప్రేమా...
వరం లాంటి శాపమేదో సొంతమైందిలా...

ఎదుట నిలిచింది చూడు జలతారు వెన్నెలేమో
ఎదను తడిపింది నేడు చినుకంటి చిన్నదేమో
మైమరిచిపోయా మాయలో...
ప్రాణమంత మీటుతుంటే వానవీణలా

ఎదుట నిలిచింది చూడు