వలచిన మనసే ఆలయం
అది ఒకే దేవునికి నిలయం
ఆ దేవుని అలరించు దారులు రెండు
ఒకటి అనురాగం ఒకటి ఆరాధనం

నీ వన్నది నీ వనుకున్నది
నే నన్నది ఇలలో వున్నది
నీ మదిలో మెదిలే స్వప్నమది
స్వప్నంకాదు, సత్యమిది
మాయని జీవిత సత్యమిది

ఒక హృదయంలో నివసించేది
ఒకే ప్రేమికుడు కాదా
ఆ ప్రేమికుని మనసార చూసే
కన్నులు రెండు కాదా
శ్రీనివాసుని ఎదపై నిలిచేదిశ్రీలక్ష్మీయేకాదా
అలివేలుమంగ దూరానవున్నా
ఆతని సతియేకాదా

బ్రతుకుదారిలో నడిచేవారికి
గమ్యం ఒకటేకాదా
పదిలంగా ఆ గమ్యం చేర్చే
పాదాలు రెండు కాదా
కృష్ణుని సేవలో పరవశమొందిన రుక్మిణి నా ఆదర్శం
అతని ధ్యానమున అన్నీ మరచిన
రాధయె నా ఆదర్శం