వయ్యారి కళ్ళల్లోనా
దాచాడేమో తారల్ని
బెమ్మయ్య కేమయ్యిందో
కొమ్మకిచ్చే వరాల్ని
ఆ కళ్ళల్లో చూశామంటే
పోలేమమ్మ మాదార్ని
గుండెల్ని పిండేస్తాది
మాపై విసిరి చూపుల్ని
బతుకే వెలుగును భామను
చేసుకుంటే సొంతాన్ని

నెలవంక నవ్వుల్లోనా
వెలిగించాడేమో కాంతుల్ని
చిలకమ్మ పలుకుల్లోనా
కురిపించాడేమో రాగాల్ని
ఆ నవ్వుల్లో తేలియాడితే
మరిచేము ఈ లోకాన్ని
మాటలతో మాయ చేస్తాది
మాపై చూపే ప్రేమల్ని
బ్రతుకంతా వెన్నెలౌను
చెలియ చేరితే సరసన్ని

తొలిసారి చూపుల్లోనా
కలిపాడేమో ఊహల్ని
తొలి పరిచయ క్షణాల్లోనా
నింపాడేమో ఆశల్ని
ఆ ఊహల్లో విహరిస్తే
మరిచేము ఇల తలపుల్ని
నడకలతో గిలిగింత పెడతది
చిలికించి వలపుల్ని
స్వర్గమే చేరువౌను
సతిగ పొందితే ఈ కోమల్ని