ఎట్టాగయ్యా శివ అదెట్టాగయ్యా శివ
ఎట్టెట్టో కైలాసమట నువ్వట్టే వుంటావట
శివయ్యా …
అదెట్టో మరి మాకట్టాలు గట్టెక్కేందుకు
చుట్టమల్లే మా చుట్టే వుంటావట
శివయ్యా…
ఎట్టాగయ్యా శివ అదెట్టాగయ్యా శివ

మూడుకన్నులున్న గాని మూసుకొనే వుంటావట
ధ్యాన ముద్రలోనే నీవు జగాలన్నీ సూత్తావంట
చిన్న చీమకుట్టినంతనే కైలాసానికంపేవట
కన్నబిడ్డలల్లె మమ్ము కాచుకొంటూ వుంటావట
ఎట్టాగయ్యా శివ అదెట్టాగయ్యా శివ

ఆకలేస్తే నీవు జోలెకట్టి ఆలిమెట్టు తొక్కేవట
ఆకలంటే తెలీకుండా మమ్ము సూత్తావంట
ఆనె తోలు తోటేనీవు వళ్ళుకప్పుకునేవంట
పట్టుబట్టలెట్టి మాకు పట్టమే కట్టేవట
ఎట్టాగయ్యా శివ అదెట్టాగయ్యా శివ

ఇల్లువాకిలే లేక కొండలంట వుండేవట
బంగళాలలోన మమ్ము చల్లగా వుంచేవట
హాలాహలమనే విషము నువ్వు సేవించేవట
రోగమేమి రాకుండా మాకమృతాలు ఇచ్చేవట
ఎట్టాగయ్యా శివ అదెట్టాగయ్యా శివ