ఆనాటి ఆ స్నేహమానందగీతం
ఆ జ్ఞాపకాలన్ని మధురాతి మధురం
ఈనాడు ఆ హాయి లేదేల నేస్తం
ఆ రోజులు మునుముందిక రావేమిరా...

హ హా లేదురా ఆ సుఖం, రాదురా ఆ గతం
ఏమిటో జీవితం
అరె ఫుల్ గుర్తుందిరా
గోడలు దూకిన రోజులు
మోకాలికి తగిలిన దెబ్బలు
చీకట్లో పిల్లనుకొని

ఒరే ఒరే ఒరే ఇడియట్ పక్కనే పెళ్ళికావలసిన పిల్లలున్నార్రా

నేర్చుకుంటార్రా... ఆ హహా...

నేను మారలేదు నువ్వు మారలేదు
కాలం మారిపోతే నేరం మనదేమి కాదు
ఈ నేల ఆ నింగి ఆలాగె ఉన్నా
ఈ గాలి మోస్తుంది మన గాధలెన్నో
నెమరేసుకుందాము ఆ రోజులు
భ్రమలాగ ఉంటాయి ఆ లీలలు
ఆ మనసులు ఆ మమతలు ఏమాయెరా...

ఒరే రాస్కెల్ జ్ఞాపకముందిరా
కాలేజిలో క్లాస్ రూములో
ఓ పాప మీద నువ్వు పేపర్ బాల్ కొడితే
ఆ పాప ఎడమ కాలి చెప్పు తీసుకొని

ఒరే ఒరే ఒరే స్కౌండ్రల్ (Scoundrel) ఊరుకోరా పిల్లలు వింటారు

వింటే వింటార్రా పిల్లల పిల్లలకు పిట్టకథలుగా చెప్పుకుంటారంతే ఆ హహా...

ఆనాటి ఆ స్నేహమానందగీతం
ఆ జ్ఞాపకాలన్ని మధురాతి మధురం
ఈనాడు ఆ హాయి లేదేల నేస్తం
ఆ రోజులు మునుముందిక రావేమిరా...

మనసే ఇచ్చినాను మరణం తెచ్చినాను
చితిలో చూసినాను చిచ్చై మండినాను
నా గుండె మంటింక ఆరేదికాదు
నేనుండి తను వెళ్ళి బ్రతుకింక లేదు
తన శాపమే నాకు తగిలిందిరా
రేయ్ పసిపాపలే లేని ఇల్లాయెరా
ఈ కన్నుల కన్నీటికి తుదియేదిరా

ఒరే ఒరే ఒరే ఏమిట్రా పసిపిల్లల్లాగా ఆ..
చి చి ఊరుకో
ఒరే ఈ కన్నీళ్లకు తుది ఎక్కడ్రా
కర్చీఫ్ తో తుడిచేయడమేరా ఆ హహా...

ఆనాటి ఆ స్నేహమానందగీతం
ఆ జ్ఞాపకాలన్ని మధురాతి మధురం
ఆహా really those days are fabulous
కరెక్ట్ రా
ఆ హహ హహ హహ...