అక్కా బావ మా అమ్మ నాన్న
ఎక్కువకాదా మా ప్రాణం కన్నా
కన్నవారులేని మాకు అంతకన్న మిన్నగా
దిగివచ్చిన శివపార్వతులే
అక్కా అక్కా..నీ రెక్కల చలువ
బావా బావా..నీ మమతల విలువ
పెంచుకున్న మొక్కలు మేమే

అక్క లాలన..బావా పాలన
పూల ఊయలై పెరిగాం మేము
చిక్కులేమితో చింతలేమితో
ఒక్కనాటికి ఎరుగము మేము
అక్క మాట వేదవాక్కు ఎప్పటికైనా
బావగారి చూపంటే సుగ్రీవ ఆగ్జ్ఞ
మీరు గీసే గీతను మీరము మేము
మీకు నచ్చనిదేది కోరము మేము

జన్మజన్మకు మీ పిల్లలమై
మీ ఒడిలోనే మేం జన్మిస్తాం
కాలు నేలపై మోపనివ్వక
పూల తేరులో ఊరేగిస్తాం
ఏమిచ్చి తీర్చగలం మీ ఋణభారం
కన్నీటి పన్నీరుతో మీ కాళ్ళు కడుగుతాం
మా బ్రతుకులు మీ కోసం అంకితమిస్తాం
మీ బరువులు మోసేందుకే మేం జీవిస్తాం