పల్లవి:
అనగనగా చిట్టీ సింహంట ఆ అడవికంతా గట్టి పిండంట
అది చెంగు చెంగున - అలా చెంగలించుతూ
తన అమ్మా నాన్ననూ ఎడబాసి ఎక్కడికో
కొండలను కోనలను దాటి వెళ్ళింది

గుంటనక్క కూటమిలో చిట్టి సింహం చేరేనట
టక్కులూ టమారాలు తనూ నేర్చెనట
జిత్తులు ఎత్తులతో తెలివి మీరింది
కల్లలూ కొల్లలకూ - తయారయింది
అలా చెడ్డదయింది పెరిగి పెద్ద దయింది
దాన్ని వేటగాళ్ళు వేటాడితే .. దౌడుతీసింది హోయ్..

జింకలున్న వనానికి చివరికొచ్చి చేరింది
మంచినీ మనసును మచ్చుకు చూసింది
చెలిమిలో తియ్యదనం రుచి చూసింది
గడిచింది తలచుకొని కన్నీరయింది.
అలా మారిపోయింది. మారి మంచి దయింది
జింకలకు రేపగలు రెప్ప అయింది హోయ్
కాపున్న సింహానికి కాలమెదురు తిరిగింది
పిల్లతో పాటు ఒక తల్లీ వచ్చింది
కానరాని మగని కొరకు వెతుకుతున్నది
అమగని చంపినది తానని తెలిసింది
ఆ నిజం దాగక.. ఈ నిప్పు అరక
అది లోలోన కుమిలి కుమిలి ఘోల్లు మన్నది