అనురాగపు కన్నులలో
ననుదాచిన ప్రేయసివే
ఆపదలో దరిజేరి
కాపాడిన దేవతవే !

ఏ చల్లని వేళలలో
నీ చెంతకు చేరితినో
మనవలపుల తొలకరిలో
మకరందము కురిసెనులే

రణసీమను రగిలే జ్వాలలో
చిరునవ్వుల మల్లెల మాలవే
నామదిలో వేదన మాయంచేసిన
శాంతిరూపము నీవే !
నా చల్లని నీడవునీవే

నీవెన్నెలవిరిసే చూపులతో
నీమమతలు చిలికే మాటలతో
నా జీవితమందే అమృతముచిందె
ప్రేమరూపము నీవే !
నాపాలిటి దైవము నీవే !

క్షతగాత్రుల ధీరుల సేవలకే
నీ బ్రతుకే అంకితమైనదిలే

మనజాతి పతాకము వన్నెల వెలిగే
వీర తేజమునీవే
నామదిలో దీపమునీవే