ఏమి జన్మము-ఏమి జీవనము
ఓ మాయ ఘటమా
ఇకనైనా నా తెలుసుకో నిజము

ముసిముసినవ్వుల విషంకక్కుతూ
మేడిపండువలె కనబడతారు
డబ్బులకోసం గడ్డిమేయుచు
బిడ్డలసుఖమే చూడరువారు
పైనయముడు కనిబెడుతున్నాడు
పళ్ళురాలగొట్టేస్తాడు

పదవులకోసం రంగులు మార్చి
పెత్తనం చెలాయించేవాళ్ళను
స్వార్థంకోసం మిత్రులనై నా
చల్లగగొంతులు కోసేవాళ్ళను
ప్రజలు నెత్తిపై మొట్టకపోరు
గుట్టు వీధిలో పెట్టకపోరు

హిరణ్యకశిపుడు ఎదురేలేదని
విర్రవీగి అపుడేమైనాడు ?
నరశింహుడు తన భ కునికోసం
అవతరించి హతమార్చాడు
అయినవాళ్ళ హింసించేవాడు
ఆడ్రసు తెలియక పోతాడు

మూడునాళ్ళ ఈ ముచ్చటకోసం
మురిసి మురిసి నీ వెగిరిపడేవు
బిరుదులు ఆసులు శాశ్వతమనుకొని
పిచ్చిభ్రమలలో పడిపొయ్యేవు
కాటికి కాళ్ళు చాచినప్పుడు
కన్నకొడుకులే గతియౌతారు !