బలేగా నవ్వితివి, ఎలాగో చూచితివి, చెలాకీ చూపితివి
మత్తుగా, మెత్తగా మనసు దువ్వితివి

మధువును చిలికే నీ చూపే, మరలెను మెల్లగ నా వైపే
బంగరు వలపులు, రంగుల తలుపులు
తొంగి తొంగి చూచే

గాలికి నీ కురులూగినవి, నాలో వూహలు రేగినవీ
ఱువ్వున నీ నడుమాడినదీ, ఝుమ్మని నామది పాడినదీ
గువ్వల పోలిక కోరికలేవో కువ కువ లాడినవీ

కన్నుల బాసలు విన్నాను, ఎన్నడో నిను కనుగొన్నాను
అందము నాదనుకున్నాను, అందుకె నిను రమ్మన్నాను
డెందములోపల ఎందుకొ తీరని తొందర కలిగేనూ