ఎందుకే ఎందుకే ఎందుకే ఎందుకే
పొంగి పొంగి లేతవయసు ఛెంగుమన్న దెందుకే

కదిలే పిల్లగాలి కైపు రేపు నెందుకో
మల్లెల పరిమళాలు వత్తుగొలుపు నెందుకే
ఎందుకా ?
ఊఁ
ఎందుకో తెలుపనా ? ఇపుడే తెలుపనా ?

ఎదలో పడుచుదనం ఎదిగిపోయినందుకే
తెలిసెనా, తెలిసెనా, ఎందుకో తెలిసెనా ?
కమ్మని నిదురలో కలవరింత లెందుకే,
మెత్తని పాన్పుపై మేను నిలువదెందుకే ?
ఎందుకా ?
ఎందుకో తెలుపనా ? ఇపుడే తెలుపనా ?

చక్కని ఊహలకే రెక్కలొచ్చినందుకే
తెలిసెనా, తెలిసెనా, ఎందుకో తెలిసెనా ?
ఎన్నడు లేనిరీతి కన్నులదురు నెందుకే
వెన్నెలవానలోన వేడి కలుగునెందుకే ?
ఎందుకా?
ఎందుకో తెలుపనా ? ఇప్పుడే తెలుపనా ?

మనసే మెఱుపువోలె చెణుకులొలికి నందుకే
తెలిసెనా ? తెలిసెనా ? ఎందుకో తెలిసెనా ?