దొంగ చూపులు చూచి, దోరవయసు దోచి
కొత్తవలపులు చిలికితివా, మత్తుకనులా చినదానా
దొంగచూపులు చూచి, దొరవయసు దోచి
మత్తుమందు చిలికితివా. మనసుపడినా చినవాడా

ముచ్ఛటైన కురులుదువ్వి, మొగలిరేకుల జడను వేసి
మోజుతీర ముస్తాబు చేసి, మోమాటపడ నేల
ఓ చిన్నదానా

కోరమీసాల మెలేసి, కోటిసరసాల వలేసి
చిలిపిసైగల పిలిచావు కానీ చెప్పేటి కబురేమి
ఓ చిన్నవాడా

హంసలాగ నడచిరాగా అందమంతా పొంగిపోగా
కోయిలల్లే గొంతెత్తిపాడ, గుండెల్లొ గిలిగింతలయ్యేను
పిల్లా

పూలతావుల చేరదీసి, గాలితీగల ఓడగట్టి
మబ్బుదారుల కేరింతలాడీ మైమరచిపోదాము
ఓ చిన్నవాడా