పల్లవి:
చెప్పమ్మా చెప్పమ్మా చిలకమ్మా
నీ అందమైన చిరునామా
ఇప్పుడే ఇక్కడే వాలిపోమ్మా
ఎద తలుపు తెరుచుకుందమ్మా

నీదే ఆలోచన ఎటు వైపు చూపు వెళుతున్నా
ఓ కన్నె వనమా కవ్వించకమ్మా
నా మనసే నిలకడలేక
నీ ఊహా వెనక మాటైన వినక
తనురికే బదులే లేక

చెప్పమ్మా చెప్పమ్మా
చెప్పమ్మా చెప్పమ్మా చిలకమ్మా
నీ అందమైన చిరునామా

చరణం: 1
నీ రూపురేఖల బొమ్మ నా తలపులో తోచక
నా చూపు జాడలకైన ఆ ఛాయలే అందక
నీ స్నేహ గీతిక కోసం వేచింది ఎదవేదిక
నీ చూపు సోకేదాకా నిదురైన రాదే ఇక
గుండెలో గుప్పున ఎన్నెన్నో చిగురాశలే
కళ్ళల్లో కమ్మని కలలే కదిలించెనే
చిలిపి వయసు వలపు కవిత చెదిరె
కన్నెవనమా కవ్వించకమ్మా
నా మనసే నిలకడలేక
నీ ఉహ వెనక మాటైనా వినక
తనురికే బదులే లేక

చెప్పమ్మా చెప్పమ్మా చిలకమ్మా
నీ అందమైన చిరునామా

చరణం: 2
నిన్ను చూడగానే నాలో ఏ భావం ఉప్పొంగునో
అనుకుంటే నాలోలోనే ఒక వింతగా ఉన్నదే
ఏ తీరుగా నను నీతో పరిచయము కలిగించునో
ఆ తీపి కలయిక నాలో ఏ రాగమొలికించునో
ముందుగా అందితే తియ్యని సంకేతమే
చేతికే అందదా అందని ఆకాశమే
మనసు పడిన వరము దొరికిపోదా
కన్నె వనమా కవ్వించకమ్మా
నా మనసే నిలకడ లేక నీ ఊహ వెనక
మాటైన వినక తనురికే బదులే లేక

చెప్పమ్మా చెప్పమ్మా చిలకమ్మా
నీ అందమైన చిరునామా
ఇప్పుడే ఇక్కడే వాలిపోమ్మా
ఎద తలుపు తెరుచుకుందమ్మా
నీదే ఆలోచన ఎటు వైపు చూపు వెళుతున్నా
ఓ కన్నె వనమా కవ్వించకమ్మా
నా మనసే నిలకడలేక
నీ ఊహ వెనక మాటైన వినక
తనురికే బదులే లేక

చెప్పమ్మా చెప్పమ్మా...