పల్లవి:
తెలిమంచులోన
తెలిమంచులోన చెలి అదర సవ్వడి
విరజాజి వానై కురిసింది పైబడి
ఇక చేరాలి ఆమె కౌగిలి
ఇక చేరాలి ఆమె కౌగిలి

తెలిమంచులోన చెలి అదర సవ్వడి
విరజాజి వానై కురిసింది పైబడి

చరణం: 1
తొలిచూపుతోనే దోచావు మనసుని
కదలించావులే నాలోన ప్రేమనే
నిను చేరుగాలి నా చెంత చేరగా
నా మది ఊయలై ఊగేను హాయిగా
విధినైన గెలిచే ఓ వింత ధైర్యమే
నిన్ను కలిశాక కలిగే నాలోన చిత్రమే
రాచెలి నిచ్చెలి జాబిలీ

తెలిమంచులోన చెలి అదర సవ్వడి
విరజాజి వానై కురిసింది పైబడి
ఇక చేరాలి ఆమె కౌగిలి
ఇక చేరాలి ఆమె కౌగిలి

చరణం: 2
చెక్కిల్లపైనే తొలి సంతకానికై మది ఆరాటమే రేపింది మోహమే
చిరునవ్వులోనే దాగుంది అందమే
ఎదలోగిళ్ళలో వేసింది బాణమే
నువ్వు అన్నదే నా లోకమన్నది
నీ కోసమే ఈ ప్రాణమున్నది
అందనే అందని అందమా

తెలిమంచులోన చెలి అదర సవ్వడి
విరజాజి వానై కురిసింది పైబడి
ఇక చేరాలి ఆమె కౌగిలి
ఇక చేరాలి ఆమె కౌగిలి

తెలిమంచులోన చెలి అదర సవ్వడి
తెలిమంచులోన చెలి అదర సవ్వడి