ఈ లోకంలో మనిషికి మనిషే తోడు
భూలోకంలో మనకందరికి ఒకటే వీడు
నవ్వేవాళ్ళను జూసి ఏడవరాదు
ఏడ్చేవాళ్ళను చూసి నవ్వగరాదు
కాటికెళ్ళితే అందరు ఒకటే అనుకోబోకూ
అడకూడా తేడాలున్నాయి కాలేవరకు
చీకటిపడితే లోకం మొత్తం నిదురపోతుంది.
చిరుగు గుడిసెలో ఆకలిమాత్రం చిందులు వేస్తుంది.
పనిదొరకని పేదవాణ్ణి సోమరిపోతంటారు
పనిచెయ్యని గొప్పవాణ్ణి పల్లకిలో మోస్తారు
అరిగించుకునేవాడికి అన్నంలేదు.
అరగనివాళ్లకి మాత్రం అన్నీ ఉన్నాయీ
పెద్ద మనిషి చేస్తే అది రంగేళీ శృంగారం
పేదవాడు చేస్తే అది రంగేళీ వ్యభిచారం
లేనివాడు చేస్తే అది దొంగతనం కిందజమ
ఉన్నవాడు చేస్తే అది దేశభ క్తి పరిశ్రమ
అబద్దానికి నోరు పెద్దది అరుస్తూ ఉంటుంది.
సత్యానికి గుండె గట్టిది చావదూ ఎన్నటికి
నిప్పు గొప్పలుపోయి నీళ్ళనే కాస్తుంది.
ఆ నీళ్లే పొంగి పొంగి నిప్పు నార్పేస్తుంది