నీకూ నీవారులేరు నాకూ నావారు లేరు
ఆసరాగా నాకు దొరికావు నా ఆశలన్నీ నిజం చేసావు

చరణం :
దారిలోన గడిపువ్వు - నలిగిపోయేవేళ నువ్వు
మల్లెపువ్వుగ మార్చివేశావు - నీ మనసులోనే దాచివేశావు

చరణం
రిక్షాకే రెక్కలొచ్చి - నక్షత్ర యాత్ర చేస్తే
పక్షులే మనపాట వింటాయి మబ్బులే తోరణాలు కడతాయి ॥ నీకూ॥

చరణం :
కప్పులేని ఇంటిలోన - గడపలేని పడక గదిలో
చందమామ తొంగి చూస్తాడు - తన అందమంతా వలకబోస్తాడు ॥నీకూ॥