అప్పా: భళి భళి
భళానోయి భాయి తమ్ముడా-సై మేల్ భశానోయి దాదానా

లక్ష్మీ : జిత్తులమారి నక్కరా
దాని యెత్తులు తెలిసిపోయెరా-సై
కొత్తగా రంగు మార్చెరా… సై
కోతలు ఎన్నో కోసెరా-సై
తదికిట తకిట తా-

అప్పా : ఆగాగు! నక్కలంటున్నావు - రంగులంటున్నావు
మార్చటమంటున్నావు - అది ఏంటమ్మా ?

మాణి : అదేరా పెదోళ్ళు-మార్చటంలా అట్లాగే

అప్పా : పేదోళ్ళు- ఎవరమ్మా వాళ్ళు- ఓ ఓ మన నాయకులా
లక్ష్మీ: ఔ
అప్పా : అవును ఎట్లా మార్చిందమ్మా?

లక్ష్మీ: అదే వినరా పేదోడ వినరా బక్కోడ
విజయము మనదేరా తందానతాన
చెబుతా వినరా నక్కయ్యగారి చిదంబరం గుట్టు తందానతాన
తదికిట ఝం తది తా

లక్ష్మి: పట్టపగలు దోపిడీకి తన గుట్టు తెలిస్తే కష్టమని

అప్పా : అహ

లక్ష్మి : పట్టుపడకుండ రంగేదయినా పైకి పూయాలనుకుంది
అద్దకాల కొట్టుకువెళ్ళి అటుఇటు చూసింది ॥తందాన॥

తడికిట ఝం తది తా

కొత్తగవుంది నీలిరంగని గబుక్కున మునిగింది ॥తందాన॥

తడికిట ఝం తది తా

లేచి చూచుకొని బలెబలే యిక ఎదురులేదు నాకు ॥తందాన॥

రంగుమారినది ఐదేళ్ళయినా రాజ్యమేలవచ్చు
తా- తకిట తక తకిట తడికిట తా

అనుకుని నడచిందయ్యా అడవికి నక్కయ్యా ॥తందాన ॥

అప్పా : ఉండుండుండు. అయిదు పేర్లా అయిదు ఏళ్లా ?
మాణి : చెప్పేది అయిదు వేళ్ళ సిదాంతం దాన్ని తప్పించుకు తిరిగేది అయిదేళ్ళ కాలం

అప్పా : అదిసరే యింతకీ ఆ నక్క అడవికెందుకెళ్లింది ?
అక్క డేముంటుందని దానిబొంద

లక్ష్మి : అడవంటే ఏమనుకున్నావు ? అక్కడేగా మనలాంటి నోరు వాయిలేని మూగజీవాలుండేది

అప్పా ! అలాగా అయితే సప్పున నే నక్కడికి వెళ్ళిపోతాను

లక్ష్మి : అయ్యో అన్నల్లారా తమ్ముల్లారా ఆకలి తీరని కడుపుల్లారా

అన్నెం పున్నెం ఎరుగక మీరు అగచాట్లు పడుతున్నారా

॥తందాన॥

నడిపే నాయకుడెవడూ లేక తడబడుతున్నారా

॥తందాన॥

అయ్యో… తడికిట ఝం తడి తా
ఆయ్ దేవుడు నన్ను పంపాడు
మీ సేవలు చేయమన్నాడు
తా తకిట తక తడికిట తడికిట తా

అప్పా : ఆఁ- ఆ తరవాత

లక్ష్మి : ఆ తరువాత
అరరరదె చెట్టులుకొట్టి పుంలుకొట్టి ఇళ్లే కట్టాకా ॥భశాభళి॥
దిగంబరంగా ఉన్న మీకు నే బట్టలు కుట్టిస్తా ॥భశాభళి॥
ఆకులలములు మేసే మీకు అన్నం తినిపిస్తా ॥భశాభళి॥
అందలం ఎక్కిస్తా ఆరచేతిలో వైకుంఠం చూపిస్తా

అప్పా :అయ్యో పిస్తా పిస్తా అంటున్నావేమిటి ?
మా కోస్తానరకు రాదుకదా యీ పిస్తా

లక్ష్మి : అది అడవిలో వున్న మూగజీవాలన్నంటిని నమ్మించింది.
కాని ఒక నక్కకు మాత్రం అనుమానం వేసింది

అప్పా : అంతేకదా నక్కజిత్తులు నక్కకే తెలుస్తాయి
తెలిసేంచేసింది ఐక్కలాంటి ఆ సక్క

ಲಕ್ಷ್ಮಿ : అరసిందయ్యా ఆ నక్క
ఆ అరుపును పెన్న ఈ నక్క అలాగే తానూ అరిసింది. అసలుబుద్ధి తెలిసింది

అప్పా : నక్కలాగా అరిసి వెంటనే ఆ మూగజీవాలన్నీ ఏంచేశాయమ్మా

ಲಕ್ಷ್ಮಿ: మోసం మోసం మోసం అంటూ ముందుకువచ్చాయి ॥ భళాభళి॥
వేషం వేషం వేషం అంటూ విరుచుకు పడ్డాయి. భళాభళి॥
చిత్తుచిత్తుగా తన్నాయి చితగ్గొటి మరి తరిమాయి

అప్పా , మాణి: భళానోయి భాయి తమ్ముడా సై మేల్ భళనోయి దాదానా
అవును కథ బాగానే వుంది. కానీ ఇంతకీ నువ్వు చెప్పొచ్చే దేమిటి ?

లక్ష్మి : నక్కలాంటి మనుషులున్నారు రంగుపూసు కొస్తారు సమ్మకండి- నమ్మితే గొంతు కోస్తారు

అప్పా : అమ్మో- అందుకని అందరు బోర్డులు మార్చండి
కుక్కలున్నాయి జాగ్రత్తకాదు - నక్కలున్నాయి జాగ్రత్త
నక్కలున్నాయి జాగ్రత్త నక్కలున్నాయి జాగ్రత్త-