కైలాస శిఖరమే శివపాద స్పర్శతో కంపించి పోగా
శిరసిడిచి గంగమ్మ తనువంటి స్వేదమై రాగా
ఆకాశమే అదిరి ప్రద్యుమ్న హారతే ఈయగా
మహదేవు కదలికతో వాయువిజృంభించి పోగా

నటరాజు ఆడేను తాండవం
ఆ నటరాజు ఆడేను తాండవం
నటరాజు ఆడేను తాండవం
ఆ నటరాజు ఆడేను తాండవం
జటా ఝూటములు వింజామరలై
ప్రమధ గణములే భజంత్రీలై
నాగాభరణమే నాదస్వరముగా
చంద్ర బింబమే వెలిగే దివ్వెగా
ఢమరుక ధ్వనిలో పదములు కదలగ
నటరాజు ఆడేను తాండవం

సకల దేవగణకోటికాహ్వానం పలికి
శేషనాగశయన బ్రహ్మాదులం గూడి
దక్షుడు తలపెట్టె మహా యజ్ఞము
శివుని పిలువక చేసె మహాపరాధము
ప్రీతితో దరికేగ సతిని ధూషించ
అవమానమగ్నిలో తానె భష్మమై పోగా
భద్రుడై వీర భద్రుడై
దిక్కులే పరుగు లెత్తగ
ధరణీ తలమున గిరి ఝరి తలములు
గగన తలమున సురవర జనములు
ముల్లోకములే వెర వెర బోవగా
ముష్కర మూకల మదములు అణచగ
నటరాజు ఆడేను తాండవం
ఆ నటరాజు ఆడేను తాండవం
నటరాజు ఆడేను తాండవం
ఆ నటరాజు ఆడేను తాండవం

వియోగ వ్యధ లోన పరమేష్ఠి నిలచి
కైలాస శిఖరాన తపములో మునిగి
లయ కారుడే మరచె విధి కార్యము
లోకములు రక్షింప గిరి సుతను కలుపంగ
శరముతో ఈశుని ప్రకోపించె మరుడు
మదనాగ్ని లో తనువు మరగి పోగా
రుద్రుడై ప్రళయ రుద్రుడై
సంద్రమే ఎగసే నింగి పై
ఫాల నేత్రమున భగ భగ మంటలు
కుసుమ శరుని ఫెణ ఫెణ కాల్చగ
భస్మమైన పతి కై రతి రోధించగ
పార్వతి ప్రార్ధన హృదయము మీటగ
నటరాజు ఆడేను తాండవం
ఆ నటరాజు ఆడేను తాండవం
నటరాజు ఆడేను తాండవం
ఆ నటరాజు ఆడేను తాండవం