కదలిరండి మనుషులైతే
కలిసిరండి మమత వుంటే
ఉప్పెనలా.. ఉమ్మడిగా...
ఉప్పెనలా.. ఉమ్మడిగా...

దివి తుఫాను బలి కోరిన దీనుల కోసం
బతకలేని చావలేని ప్రాణుల కోసం

చెలియలి కట్టను తెంచి చెలిమిని మరచి
కడలి అనే కాలనాగు కాటేసింది
తాడి ఎత్తు తరగలు తన పడగలుగా
మమతల మాగాణమే మసి అయిపోగా

తెలుగు తల్లి విలపించెను భోరు భోరునా
తెలుగు తల్లి విలపించెను భోరు భోరునా
పొంగే కన్నీరే క్రిష్ణా గోదావరిలా

అమ్మా అని అలమటించు బిడ్డకేమి తెలుసు
అమ్మ ఇంక రాదని అమ్మనేది లేదని
బిడ్డ కొరకు తల్లడిల్లు తల్లి కేమి తెలుసు
ఆ తల్లి కెవరు చూపిస్తారు
తన పక్కనే ఉన్న బిడ్డ శవాన్ని
కౌగిట్లో కనుమూసిన ఆలుమగలు వీళ్లు
కళ్ళే కనిపించకా...
తన వాళ్ల పిలుపు వినిపించకా...
చావు కొరకు ఒంటరిగా
బతుకుతున్న ముసలి వాళ్ళు
తెలుగుతల్లి సిరిమువ్వల కంఠాహారమే

హతశిశువుల మృత పశువుల
అగ్రహారమై పోయెను
హతశిశువుల మృత పశువుల
అగ్రహారమై పోయెను