కన్నువంటిది ఆడదీ కన్నీరామెకు తప్పనిదీ
తనువున యెక్కడ దెబ్బతగిలినా కన్నే యేడ్చేది
మనలో యెవ్వరు తప్పు చేసినా
స్త్రీకే శిక్ష పడేది - స్త్రీకే శిక్ష పడేది

తప్పటడుగులు మాన్పించీ తప్పువొప్పులు నేర్పించారూ
తలుపుచాటూ తల్లిచాటూ దాటకుండా పెంచారూ
కనురెప్పలుగా కాపాడారు కంటిని ముల్లు కాటేస్తే
ముల్లుకే కంటిని అర్పిస్తారా
ఇదేమి న్యాయం ఇదేమి న్యాయం

సీతా అహల్యలున్నారూ ఈ కలికాలంలోనూ
తాము చేయని నేరములకు శిక్షలింకా పడుతున్నారు
రాముడు యేడీ అహల్యకు భూదేవేదీ సీతమ్మకు
కన్నతల్లివున్నా మరలా కడుపులోకి వెళ్ళేదెలా