పల్లవి:
మరుమల్లె చెండు నవ్వే - మావిళ్ళ పండు నవ్వే
మందార సందె పొద్దుల్లో - ప్రాణాలు ఆరు నువ్వే
ప్రాయాల జోరు నువ్వే - పసినిమ్మపండే పంటల్లో
అండాలమ్మ ఆకారం - జాబిలమ్మ జాగారం దూరంకాని సిందూరంలో
గీతంలోనే గోవిందం గిల్లీ కజ్జా సంబంధం - గుండే నిండే ఆనందంలో
రే హుర్రే పుట్టింది నాకు వెర్రే- సే సర్రే కుట్టింది ప్రేమజర్రే

చరణం: 1
పాలరాతి చెమ్మ- మురిపాల పూల రెమ్మ - జారింది తారమ్మ
చెక్కినాడు బ్రహ్మ - ఈ చక్కనైన బొమ్మ చాలంది నాజన్మ
తొలుత వలపు తెలిపే - పిదవ మనసు కలిపే
కలికి చిలక పిలుపే - చిలిపి కధలు నడిపే
దా పదా నను రమ్మందిలే - నా ఎదా ఝం ఝం మ్మందిలే
సబరసమయనా సఖీరా

చరణం : 2
స్వాతి వాన కురిసే - నీలేత సొగసు మెరిసె - ముంగిళ్ళ సిగ్గుల్లో
వీణముందు నిలిచే - నెరజాణ పొందు పిలిచే - ముత్యాల ముగ్గుల్లో
నెలలు పొడిచే పగలే-చలికి వయసు రగిలే
కలకు నిజము తగిలే - ఇలకు జతలు మిగిలే
సా పస మగ సంగీతమే- నే సదా ఇక నీ సొంతమే
చేతన్ చేన్ తోడన్ తోన్ చెలీరా ....