పల్లవి:
ప్రియరాగాలనే పలికించావులే
నయగారాలనే ఒలికించావులే
మల్లెపూవల్లె విచ్చావులే
నువ్వు నాకెంత నచ్చావులే
ప్రేమ తెరచాపలా నీవు నిలిచావులే
నీలి కనుపాపలో నన్ను నిలిపావులే
నిండు మనసంత ఇచ్చావులే
అందుకే నిన్ను మెచ్చానులే .....

చరణం: 1
చినుకంత స్నేహం కోరిందని - గగనాల మేఘం ఇల చేరగా
ఇన్నాళ్ళ దాహం తీరిందని - చిగురాకు ప్రాణం పులకించదా
కలల్లోని ఆ స్వర్గం ఇలా చేతికందింది.
నిజంలోని ఆనందం మనస్సంత నిండింది
నీకుతోడుండి పొమ్మన్నది
నన్ను నీవెంట రమ్మన్నది...

చరణం: 2
బతుకంటే అర్ధం చెబుతానని - నడిపింది హృదయం నీదారిని
ఈ గాలి పయనం ఎన్నాళ్ళని - నీ ప్రేమ బంధం నన్నాపని
ఋణం ఏదో మిగిలింది. అదేవిన్ను కలిపింది
మరీ ఆశ కలిగింది. మరో జన్మ అడిగింది
నిన్ను ప్రేమించుకోమన్నది
ప్రేమునే పంచుకోమన్నది .....