పల్లవి:
పూల జల్లువై తేనె వెల్లువై
వెండి వెన్నెలై నిండు జాబిలై నన్నల్లుకో
చల్లగాలివైపిల్ల వాగువై
సన్న జాజులా కన్నె మోజులె వెదజల్లుకో
పరుగెత్తి నా మనసు పురివిప్పే వేళ
పరువాలు పులకించి పదునెక్కే వేళ
కలలన్ని నిజమే చేయవా

చరణం: 1
నీలి నీలి ఆకాశం నేల వాలే చూడు
పాలపొంగు పయసంతా కోరుకుంది తోడు
చిన్ని చిన్ని చినుకమ్మా చేసి వందనాలు
వన్నెలన్ని తడిమింది పూసి చందనాలు
కోయిలమ్మ గొంతులోన కొత్తరాగాలు
కానుకిచ్చి పెంచుతోంది గుండె వేగాలు
కలలన్నీ తీరే హాయిలో.......

చరణం: 2
తుమ్మెదమ్మ కోరేది పూల పరిమళాలు
వాగు వంక చేరేది ప్రేమ సాగరాలు
నింగిలోని జలసాల జంట పావురాలు
పచ్చనైన పాదపైన చేరి చుంబనాలు
ప్రేమ పంచే తోడు నాకు పంచప్రాణాలు
ప్రాణమిచ్చే నీడ వంకే నేటి పయనాలు
కలకాలం కరిగే హాయిలో.....