పల్లవి:
నాకంటే చిన్నోడు - నా తమ్ముడున్నాడు.
అన్నాడు ఒక పిలగాడు
అల్లరల్లరీ బులోడు
నిలదీసి అడిగితే నీళ్లు నములుతున్నాడు.

చరణం: 1
పిల్లి లా వచ్చాడు, ప్రేమలో పడ్డాడు
కల్లబొల్లి మాటలతో కళ్ళలోకి పాకాడు
దమ్ములేని సోగ్గాడు, తమ్ముడిపై నెట్టాడు
ఆ తమ్ముడే నచ్చాడంటే, యీ అన్న ఏమౌతాడు || నాకంటే ॥

చరణం: 2
తమ్ముడేమో కొరకరాని గడుగ్గాయి
అన్నేమో చేతగాని వెంగళాయి.
తెలివుంది అన్నకు కండబలముంది తమ్ముడికీ
యీ రెండు కావాలి దోర దోర అమ్మాయికీ || నాకంటే ॥

చరణం: 3
గువ్వలా గున్నానా - కోతిననుకున్నావా ?
పడుచుపిల్ల ఎదటున్నా చలికి వణుకుతున్నావా ?
ఒంటరిగా వచ్చాను. జంటనెదురుచూశాను.
పసలేని వాడివని, ఆశ వదులుకున్నాను.