ఓ రాధ ఓ రాధ చూడవా
గుండెల్లో ఊపిరిగా ఉండవా (2)

రాసలీల బంధనం రాగమాల పాడనీ
అంతులేని ఊహలే సంతసాలు పంచనీ
నీ నీడై నీ వెంట ఉంటానే
నీ తోడై ఏ వేళ సాగేనే
వెయ్యేళ్ళ పంటగా

ఓ రాధ ఓ రాధ చూడవా
గుండెల్లో ఊపిరిగా ఉండవా (2)

ఆ రోజున కలిపావు కన్నులే
నా గుండెలో చిలికావు వెన్నెలే
నువ్వేకదా ఎనలేని నా కథ
నీ ఆశలే నా ఎదలో సంపద
నీ రాగ బంధాలే నిలిచేను నాలోన
నా పసిడి కలలన్నీ దాచాను మదిలోన
ఆనందం నా స్వంతం నీవు నేను చేరు వేళ

ఓ రాధ ఓ రాధ చూడవా
గుండెల్లో ఊపిరిగా ఉండవా (2)

ఓ సాగరం తను దాటి వచ్చెనే
నా దేవిగా మది నాకే ఇచ్చెనే
ఆ స్నేహమే ఈనాడే తీరునా
నీ సన్నిధి చేజారి పోవునా
సగమీవు నాలోన సగమేను నీలోన
నన్నేల విడిచావో నను వేరు చేశావో
నీవేగా నా సర్వం నీవు లేక నేను లేను

ఓ రాధ ఓ రాధ చూడవా
గుండెల్లో ఊపిరిగా ఉండవా (2)