పల్లవి:
ఆహా - అందముచిందే హృదయ కమలం
అందుకునే రాజొకడే - ఆహాహా!
అందుకునే రాజొకడే "ఆహా"

ఆహా... అందముచిందే హృదయకమలం
అందుకునే రాజొకడే "2"
వేలతారకల బృందములోన
వెలిగే చందురుడొకడే
వెలిగే చందురుడొకడే

చరణం: 1
వెన్నెలరేకుల వాకిళ్లుతీసా
సన్నని వలపుల సాంబ్రాణి వేసి
ఎదురు చూసేది - ఎవరికోసమే
మదిలో దాగిన మరుని కోసమే
మదిలో దాగిన మరుని కోసమే

చరణం: 2
కత్తులు దూసి జడిపించువాడు
మెత్తని ప్రేమను సాధించలేడు
కన్నుల బాసలు తెలియనివాడు
కన్నియ మనసును గెలువగలేడు