సాకీ:
ప్రేమే నీకు మాంగల్యం అది జన్మజన్మల అనుబంధం
చావు పుట్టుకలకందని బంధం దానికి లేదు వైధవ్యం
దానికి లేదు వైధవ్యం...

పల్లవి:
నిత్య సుమంగళి నీవమ్మా
నీకు అమంగళమేదమ్మా (2)
ప్రేమకు మృత్యువు లేదమ్మా
పెట్టిన బొట్టూ పోదమ్మా (2)

చరణం: 1
పది మాసాలు మోసావే
ప్రాణంగా కనిపెంచావే
విడనాడి వెళుతున్నావా
కడసారి లాలించేవా
ఎవరో నిను ముద్దాడేరూ
ఎక్కడ అమ్మాని అడిగేరు
నాన్నను చేరగ పోయెనని
నవ్వుతూ చెప్పరా నా తండ్రి (2)

చరణం: 2
తల్లిని కాను తనయను కాను
ఎవరికి నేను కోడలు కాను
దేవుడు లేక కోవెల లేదు
నా దైవం లేక నే లేను (2)