పల్లవి:
కనులు పలకరించెను పెదవులు పులకించెను
బుగ్గలపై లేతలేత సిగ్గులు చిగురించెను

చరణం: 1
నిన్ను నేను చూసేవేళా
నన్ను నీవు చూడవేలా
నేను పైకి చూడగానే
నీవు నన్ను చూతువేలా
తెలిసిపోయె నీలో ఏదో - వలపు తొంగి చూచెను

చరణం: 2
మొలక నవ్వు దాచుకోకు
జిలుగుపైట జారనీకు (2)
కురులు చాటు చేసుకోకు
తెరలు లేవు నీకు నాకు
తెలిసిపోయే నీలో ఏదో - వలపుతొంగి చూచెను

చరణం: 3
అందమైన ఈ జలపాతం
ఆలపించె తీయని గీతం "2''
కనిపించని నీ హృదయంలో
వినిపించెను నా సంగీతం
తెలిసిపోయె నీలో ఏదో - వలపు తొంగి చూచెను