పల్లవి:
బుజ్జి బుజ్జి పాపాయీ బుల్లి బుల్లి పాపాయి (2)
నీ బోసి నవ్వులలో పూచే పున్నమి వెన్నెలలోనే

చరణం: 1
పాలుగారు ప్రాయంలో నీలాగే ఉన్నాను
బంగారు ఊయలలో పవళించి ఊగేను
ఆనాటి అచ్చటలే ఈనాటి ముచ్చటలై
మనసే మురిసెనురా మమతే పెరిగెనురా
నీ బోసి నవ్వులలో పూచే పున్నమి వెన్నెలలోనే

చరణం: 2
ఒక హృదయం పొంగితే ఉరికేది కవితరా
ఇరు హృదయాలొక టైతే పాడేది లాలిరా

ఏ తల్లి కన్నదో... ఏ బంధమున్నదో...
మనసే మురిసెనురా మమతే పెరిగెనురా
నీ బోసి నవ్వులలో పూచే పున్నమి వెన్నెలలోనే

చరణం: 3
పూవంటి మనసులో ముల్లున్న జగతిరా
మోసాలు ద్వేషాలు ముసిరే బ్రతుకురా

నముకున్న నావారు నాకిదే నేర్పారు (2)
మనసే మురిసెనురా మమతే పెరిగెనురా
నీ బోసి నవ్వులలో పూచే పున్నమి వెన్నెలలోనే