పల్లవి:
నేలనడిగా పువ్వులనడిగా
నీలి నింగి చుక్కలనడిగా
ప్రేమించిన చెలి యేదని
గాలినడిగా మబ్బులనడిగా
రామచిలుక రెక్కలనడిగా
క్షేమంగా ఉందా అని

అయినా ఇంతవరకు ఆచూకీలేక
తెగిన గాలిపటమై తిరిగా
ఎటూ దారి తోచక ఆగలేక
నా మనసు దోచిన ఆ ప్రేమ
ఏనాటికి చూపునో చిరునామా

నేలనడిగా పువ్వులనడిగా
నీలి నింగి చుక్కలనడిగా
ప్రేమించిన చెలి యేదని

చరణం: 1
ఇపుడే ఇటు వెళ్లిందంటు చిరుగాలి చెప్పింది
నిజమే ఇంకా గాలుల్లో చెలి పరిమళముంది
ఇందాక చూశానంటు సిరిమల్లే చెప్పింది
ఇదిగో అంటూ తనలో చెలి చిరునవ్వే చూపింది
ఈ గుడి గంటల్లో తన జాజుల సడి వింటుంటే
తను ఈ కోవెల్లో ఇప్పటివరకు ఉన్నట్టే
ఎటుచూసినా తన జాడలే
ఎటు వెళ్లిందో ఈ లోపునే

నేలనడిగా పువ్వులనడిగా
నీలి నింగి చుక్కలనడిగా
ప్రేమించిన చెలి యేదని

చరణం: 2
నడయాడే దీపంలాంటి ఆ రూపం చూస్తుంటే
కనుపాపల్లో కలకాలం కొలువుండి పోతుంది
నడకైన నాట్యంలాగే అనిపించే తనవెంటే
దివిలోవుండే మెరుపే దిగివచ్చిందనిపిస్తుంది
ఎందరు చూశారో కలగన్నామనుకున్నారో
అందుకనే ఏమో తను నిజం కాదనుకున్నారో
బతిమాలినా బదులివ్వదే
తను ఉందంటే నను నమ్మరే

నేలనడిగా పువ్వులనడిగా
నీలి నింగి చుక్కలనడిగా
ప్రేమించిన చెలి యేదని
గాలినడిగా మబ్బులనడిగా
రామచిలుక రెక్కలనడిగా
క్షేమంగా ఉందా అని

అయినా ఇంతవరకు ఆచూకీలేక
తెగిన గాలిపటమై తిరిగా
ఎటూ దారి తోచక ఆగలేక
నా మనసు దోచిన ఆ ప్రేమ
ఏనాటికి చూపునో చిరునామా

నేలనడిగా పువ్వులనడిగా
నీలి నింగి చుక్కలనడిగా
ప్రేమించిన చెలి యేదని