వేయి జన్మాల చెలిమి నీవే తెలుసు నాగుండెకి
కోటి దీపాల వెలుగు నీవే తెలుసు నా కంటికి
నిను దాచే ఈ నిషి నిలిచేనా ప్రేయసి
నలువైపుల నల్లని చీకట్లే ఎదురొస్తూవున్నా
పరుగాపని పాదం దూరంతో పోరాడుతువున్నా
కనుపాపకి ఉప్పని కన్నీరే తెర వేస్తూ ఉన్నా
ప్రతి నిమిషం నీ వైపే పయనిస్తూ ఉన్నా

వేయి జన్మాల చెలిమి నీవే తెలుసు నాగుండెకి

గాలితో నువ్వు పంపిన వలపు ఊసేమిటో
పూలలో నువ్వు పంపిన తీపి తలపేమిటో
నిన్నదాక నను చేరలేదని నమ్మదా చెలి నీ మౌనం
నా శ్వాసలో రగిలే గాలులతో నిను వెతికేస్తున్నా
నా ప్రేమను పూల సువాసనతో నీకందిస్తున్నా
ఎద సవ్వడులే ఆ గువ్వలుగా ఎగరేస్తూవున్నా
అవి నిన్నే చూడాలి నువ్వెక్కడ ఉన్నా

వేయి జన్మాల చెలిమి నీవే తెలుసు నాగుండెకి

ఆశగా ఉంది నెచ్చెలి కలుసుకోవాలని
కోవెలై ఉంది కౌగిలి దేవి రావాలని
నీవు కలవని కలవు కాదని రుజువు చేయని అనురాగం
నను నేనే శిలగా మోస్తున్నా ఎద బరువైపోగా
చిరునవ్వుల్నే వెలివేస్తున్నా నిను చూసే దాకా
ప్రతి రక్త కణం వెలిగిస్తున్నా పెనుజ్వాలైపోగా
ఏడబాటు పొరబాటు కరిగించేదాక

వేయి జన్మాల చెలిమి నీవే తెలుసు నాగుండెకి
కోటి దీపాల వెలుగు నీవే తెలుసు నా కంటికి
నిను దాచే ఈ నిషి నిలిచేనా ప్రేయసి
నలువైపుల నల్లని చీకట్లే ఎదురొస్తూవున్నా
పరుగాపని పాదం దూరంతో పోరాడుతువున్నా
కనుపాపకి ఉప్పని కన్నీరే తెర వేస్తూ ఉన్నా
ప్రతి నిమిషం నీ వైపే పయనిస్తూ ఉన్నా

వేయి జన్మాల చెలిమి నీవే తెలుసు నాగుండెకి